Que máis ver
Miradoiros
Monte da Peneda
Este é un dos puntos que divide de forma natural os concellos de Redondela e Soutomaior, pero tamén nos ofrece unhas fermosas vistas. Na cima atoparemos unha capela do século XVIII adicada á Virxe das Neves e unha sobreira centenaria que oculta lendas baixo as súas raíces. Unha delas di que os mouros agocharon un tesouro e outra que oculta un pasaxe segredo que comunicaba o monte co castelo de Soutomaior. Outra afirma que era unha saída segreda do Castelo de Castrizán destruído por Pedro Madruga. Algúns ata din que era unha vella mina romana.
Miradoiro do alto da Cabaleira
Miradoiro do Campo da Rata
Petróglifos
A vila de Redondela
O centro da vila ofrécenos unhas vistas únicas enmarcadas polos dous viadutos que dan renome á vila: O viaduto Pedro Floriani e o viaduto de Pontevedra. Ao andar polo centro atoparémonos de forma casual cunha serie de pazos históricos como a Casa da Torre (actual albergue para peregrinos) ou o Pazo de Petán. Tampouco podemos esquecer os diversos edificios relixiosos que abondan na vila como o convento de Vilavella, a Igrexa de Santiago Apóstolo ou a Capela de Santa Mariña ou das Angustias.
Sen afastarnos da beira do río Alvedosa chegaremos á marisma, a cal proporciona unha fermosa paisaxe ao solpor e conta cun paseo para admirar os seus diversos puntos enclaves ata chegar á desembocadura do río.
