O museo
Poñer en valor todo o relacionado con esta batalla e o seu contexto é o que pretende o MUSEO MEIRANDE, o Centro de Interpretación da Batalla e Patrimonio Cultural de Rande, que foi inaugurado en 2013.
MEIRANDE representa a recuperación de espazos esquecidos, construcións arruinadas, un impulso cara ao desenvolvemento sostible, cara á recuperación e utilización dos recursos que nos ofrece a historia deste pequeno recuncho da nosa costa.
No museo pretendemos ensinarche todo isto: que sucedeu aquí, en Rande, e por que. A empresa é certamente complexa pois a información é moita e moi interesante, e porque aquí aconteceu de todo: batallas navais, submarinos da II Guerra Mundial, empresas conserveiras, transporte de volframio… MEIRANDE é unha aposta polo entretemento e a divulgación.
Vista panorámica 
Entrada de balde
Martes a venres
16:00 a 19:00
Sábado e domingo
11:00 a 14:00 / 16:00 a 19:00
Fábrica do Alemán
Lugar de Rande s/n
(Rande) Redondela
Do que aconteceu antes de 1702. Un breve repaso polos feitos históricos de España e Galicia e dos costumes das súas xentes que nos servirán para entender o por que de semellante batalla.
En 1702 a ría de Vigo foi escenario da batalla entre as coalicións anglo-holandesa e hispano-francesa dando orixe ás lendas máis importantes da ría de Vigo. Queres coñecelas?
Preto dos barcos afundidos érguese unha fábrica de salgadura que chega ata os nosos días transformada no Museo Meirande.